İran Britaniyanın bəzi hüquqi və fiziki şəxslərinə sanksiya tətbiq edib

QafqazTimes xəbər verir ki, İran İslam Respublikasının Xarici İşlər Nazirliyi (çərşənbə axşamı) oktyabrın 27-də verdiyi bəyanatda Britaniyanın bir sıra qurum və şəxslərinə qarşı sanksiyaları elan edib.

Bu bəyanatda deyilir: “Xarici İşlər Nazirliyi müvafiq orqanların təsdiqinə əsaslanaraq, müvafiq hüquqi qaydalar və müvafiq sanksiya mexanizmləri çərçivəsində Britaniyanın bir sıra qurumları və şəxslərinə qarşı terrorizmi və terror qruplarını dəstəkləmək üçün məqsədyönlü hərəkətlərinə, terrorizmə, zorakılığa, nifrətə və insan hüquqlarının pozulmasına çağırışlara görə sanksiya tətbiq edir.”

Bu bəyanatda əlavə olunur: Siyahıda adı çəkilən fiziki və hüquqi şəxslər bunlarla yanaşı, İran xalqına qarşı iğtişaşlara, zorakılıqlara və terror aktlarına səbəb olan fəaliyyətlər həyata keçirmişlər. İran İslam Respublikası Böyük Britaniyanın terrorizm və nifrətlə mübarizə və insan hüquqlarına hörmət sahəsində beynəlxalq öhdəliklərini xatırladaraq bəyan edir ki, bu hökumətin adı çəkilən şəxslərin hərəkətləri ilə mübarizədən imtina etməsi, onların hərəkətlərinə dəstək və yardım etməsi Böyük Britaniyanın beynəlxalq öhdəliklərini kobud şəkildə pozması deməkdir.

Bu açıqlamaya əsasən, İran İslam Respublikasının sanksiya sisteminə uyğun olaraq aşağıdakı qurumlar sanksiyalara məruz qalır:

• Böyük Britaniya Milli Kibertəhlükəsizlik Mərkəzi;
• Britaniya Hökumətinin Rabitə Qərargahı (GCHQ);
• Velant Media, Global Media və DMA Media və BBC Farsi və Iran International.

Aşağıdakı şəxslər İran İslam Respublikasının sanksiya sisteminə uyğun olaraq sanksiyalara məruz qalırlar:

• Tom Tuqendhat (Tom Tugendhat), Britaniya Daxili İşlər Nazirliyinin təhlükəsizlik katibinin müavini;
• Don MacKinnon, Fars körfəzindəki Britaniya hərbi komandiri;
• Stiv Makkeyb, Britaniya parlamentinin Lordlar Palatasındakı Leyboristlər Partiyasından olan sionist rejimin dostluq qrupunun rəhbəri;
• Stiven Krabb, Britaniya Lordlar Palatasında Mühafizəkarlar Partiyasından olan sionist dostluq qrupunun rəhbəri;
• Britaniya Lordlar Palatasında Mühafizəkarlar Partiyasından olan Sionist Dostluq Qrupunun fəxri sədri Stuart Polak;
• Bob Blackman, Lordlar Palatasının üzvü;
• Tereza Cilliers, Lordlar Palatasının üzvü və keçmiş ətraf mühit naziri;
• Anthea McIntyre, Britaniya siyasətçisi.
• General Qasım Süleymaninin terroru zamanı İngiltərə Silahlı Qüvvələrin keçmiş Baş Qərargah rəisi olmuş general Mark Karleton-Smit