Polşanın Lyublin şəhərində İkinci Dünya müharibəsindən qalma partlamamış bombalar tapılıb. Hakimiyyət 14 min sakini təxliyə edib. Həmçinin onlardan qazı, suyu və işığı kəsmələri, eyni zamanda sənədlərini özləri ilə götürmələri istənilib.
Bombalar 1930-cu illərdə təyyarə zavodu və aerodromun yerləşdiyi ərazidə aşkarlanıb. 1939-cu ilin sentyabrında zavod almanlar tərəfindən bombalanıb.
Təxliyə başa çatdıqdan sonra bombaların zərərsizləşdirilməsi ilə məşğul olunacaq.