Qafqaztimes xəbər verir ki, Təl-Əviv Livanın cənubundakı Əl-Dəhiyyənin mərkəzində cihadçı komandir Fuad Şükrün öldürülməsinə Hizbullahın cavabını gözlədiyi bir vaxtda və “Emad 4” filminin nümayişindən iki gün sonra işğalçı israilin baş naziri Benyamin Netanyahunun evinin üzərindən Hizbullaha məxsus pilotsuz uçan aparatın görünməsi ilə bağlı xəbər bütün xəbərlərin başında yer alıb.
İsrail qəzeti “İsrael Hayom” bildirib ki, bazar günü Hizbullaha məxsus pilotsuz uçan aparat işğal olunmuş Fələstinin Qeysəriyyə şəhəri ərazisində sionist rejimin baş nazirinin evinin şəkillərini çəkərkən görüntülənib.
Bu hesabatda qeyd edilir ki, pilotsuz təyyarə sözügedən ərazinin yaxınlığında, dənizdə yerləşdirilmiş dəniz raket qurğusunun radarı tərəfindən aşkar edilib.
Bununla belə, İsrael Hayom öz hesabatında pilotsuz təyyarənin polad radar tərəfindən aşkar edildiyini, lakin digər idarəetmə sistemləri tərəfindən heç bir siqnal aşkar edilmədiyini və bölgəyə döyüş təyyarələri göndərildiyini, lakin pilotsuz təyyarənin yerini tapa bilmədiklərini bildirib. Bundan sonra İsrail ordusu deyir ki, baş verənlər çox güman ki, yanlış həyəcan siqnalı olub və hətta bəzən quşlar qrup halında uçan zaman radar sistemləri xəbərdarlıq edir.
Qəzet yazır: Ordu və hava qüvvələri Livandan kiçik bir pilotsuz təyyarənin buraxılması ehtimalını tamamilə istisna etmir və bu zaman Netanyahu Qeysəriyyə binasında olmayıb.
Hizbullah əl-Mənar şəbəkəsi hərbi obyektlərin və yeraltı tunellərin strateji əhəmiyyətinə toxunaraq deyib: Dağlar bizim xəzinəmizdir, şəhidlərimizin qanı qələbəmizin müjdəsidir və xalqın səbri bizim əzm və iradəmizi göstərir.
Alalam