Livan Hizbullahı bəzi liderlərinin taleyi ilə bağlı bütün şayiələri təkzib edərək deyib: Bu cür iddialar düşmənin psixoloji müharibəsidir.
Hizbullahın bəyanatının mətni belədir:
“Bəzi media orqanları işğal rejiminin Dahiyəyə vəhşicəsinə hücumundan sonra Hizbullah rəsmilərinin taleyi ilə bağlı xəbərlər dərc edir və bu xəbərləri Hizbullahdakı mənbələrlə əlaqələndirirlər. Bu medialar arasında xəbərləri Hizbullahdakı yüksək rütbəli mənbələrə aid edən Fransa Xəbər Agentliyi də var. Bir daha bildiririk ki, bizim mövqeyimiz Hizbullahın media əlaqələri tərəfindən rəsmi açıqlama şəklində verilir.
Bəzi medialar, xüsusən də bir sıra internet saytları Hizbullahın bir sıra yüksək rütbəli məmurları haqqında müqavimətə qarşı psixoloji müharibə kontekstində aparılan yalan xəbərlər və dəyərsiz şayiələr yayıblar. Bu xəbərləri qələmlərini sionist işğalçılara xidmətə həsr edənlər dərc edir.
Qafqaztimes
Al-alam