Qafqaztimes xəbər verir ki, Livan Hizbullahı bəyanat verərək Bəşar Əsədi Suriyadakı prezident seçkilərindəki qələbəsi münasibətilə təbrik edib.
“Əl-Mənar” xəbər saytının verdiyi məlumata görə, bəyanatda deyilir: “Hizbullah, böyük bir seçki prosesindən sonra yenidən Suriyanın prezidenti seçilən prezident Bəşar Əsədə və qardaş Suriya xalqına öz isti və səmimi təbriklərini çatdırır.”
Hizbullahın verdiyi bəyanatda həmçinin belə deyilir: “Suriyadakı bu seçki, misilsiz bir iştirakla ümumxalq referendumuna çevrildi. Seçkidən əvvəlki və sonrakı ümummilli nümayişlər işğal və terrorun pəncələrindən qurtulan Suriyada böyük bir milli bayram oldu.”
Bəyanatın davamında qeyd olunur: “Suriyalılar seçki qutusu vasitəsi ilə milli birliyə tam bağlı olduqlarını, təfriqəyə, bölünməyə və ayrılığa qarşı olduqlarını dəfələrlə cəsarət və fədakarlıqları ilə göstərdikləri kimi bir daha sübut etdilər.”