Dövlət Sərhəd Xidməti (DSX) Heydər Əliyev Beynəlxalq Hava Limanında müşahidə olunan sıxlığa münasibət bildirib.
DSX-dan bildirilib ki, bu gün 16:15 radələrində pasport nəzarət sistemində problem yaranıb və vətəndaşların dövlət sərhədindən buraxılmasında ləngimələr olub.
“16:50-də sistemdə olan problem aparılan işlər nəticəsində aradan qaldırılıb. Hazırda vətəndaşların ölkədən çıxışında heç bir problem yoxdur”, – qeyd olunub.