Qurudan hücum təliminin başlanmasından bəri Livanın sərhəd kəndlərinin ardı-arası kəsilmədən altıncı gündür bombardman edilməsinə baxmayaraq, sionist rejim hələ də Livanın sərhədyanı kənd və qəsəbələrinin heç birinə daxil ola bilməyib.
Əl-Əxbarın məlumatına görə, sionist rejim qüvvələri hər dəfə Livan ərazisinə soxulmaq üçün hücuma keçərkən elə ilk addımda Hizbullah döyüşçülərinin müqaviməti ilə üzləşirlər.
Bundan əlavə, müqavimət döyüşçüləri eyni zamanda Livan ərazisinə daxil olmamışdan əvvəl, işğal olunmuş Fələstin ərazisində işğalçı rejimin hərbiçilərini davamlı olaraq atəşə tutur.
Hizbullah ötən gecə (bazar günü) ağır raketlərlə Hayfanın mərkəzini hədəfə alıb. İşğalçı rejimin mediası etiraf edib ki, rejimin hava hücumundan müdafiəsi bu raketlərin heç birini tuta bilməyib və köçkünlərin yüklədiyi videolardan da göründüyü kimi, bu şəhərin binalarına, ticarət mərkəzlərinə və küçələrinə böyük ziyan dəyib.
Şəhərin bütün sakinləri isə sığınacaqda gecələyiblər.
Sionist rejim quru xüsusi təyinatlılarına diqqət yetirməsinə və Livana tank və ağır texnika idxal etməyə cəhd etməsinə baxmayaraq, Hizbullah döyüşçülərinin müqaviməti ilə üzləşib.
Bu çərçivədə quru əməliyyatı zamanı onların 5-dən çox tankı məhv edilib.
Qafqaztimes
Al-alam