Həmas ərəb liderlərinin İsrailin fələstinliləri zorla köçürmək planlarını rədd etməsi ilə bağlı konsensusunu yüksək qiymətləndirərək Qəzzanın yenidən qurulması barədə Ərəb sammitində qəbul edilmiş planı alqışladığını açıqlayıb.
Qafqaztimesin xarici KİV-lərə istinadən verdiyi məlumata görə, Həmas dünən (4 mart) keçirilən ərəb zirvəsinin ərəb və islam ölkələrinin Fələstin məsələsində haqlı mövqe tutmasında qabaqcıl bir mərhələ olduğunu vurğulayaraq elan edib: Biz Ərəb Liqasının Qahirədə keçirilən fövqəladə sammitində işğalçı rejimin xalqımızı zorla köçürmək planlarını rədd etdiklərini, ilhaq və köçürmə layihələrinə qarşı olduqlarını, Fələstin xalqının öz müqəddəratını təyin etmə azadlığı və öz müqəddəratını təyin etmək kimi qanuni hüquqlarını dəstəklədiklərini vurğulayan liderlərin və prezidentlərin sözlərini yüksək qiymətləndiririk.