İslami Müqavimət Hərəkatı (Həmas) bəyanat yayaraq, hərəkatın siyasi büro üzvü Musa Əbu Mərzuqun açıqlamaları ilə bağlı “The New York Times” qəzetinin dərc etdiyi xəbəri təkzib edib.
Qafqaztimesin xarici medialara istinadən verdiyi məlumata əsasən, Həmas bu gün (25 fevral) bəyanat yayaraq bazar ertəsi (24 fevral) dərc olunmuş müsahibədə Əbu Mərzuqla bağlı ifadələrin yanlış olduğunu və ilkin çərçivədən kənara çıxdığını vurğulayıb.
Həmas müsahibənin bir neçə gün əvvəl aparıldığını, dərc olunan bəyanatların cavabların tam məzmununu əks etdirmədiyini və onların əsl mənasını və əhəmiyyətini təhrif edən şəkildə təqdim edildiyini açıqlayıb.
Bəyanata görə, Əbu Mərzuq bu müsahibəsində vurğulayıb ki, 7 oktyabr əməliyyatı Fələstin xalqının mühasirəyə, işğala və qəsəbə tikintisinə müqavimət göstərmək üçün qanuni haqqını təmsil edir.