Həmas Fitr bayramı münasibətilə Fələstin xalqı üçün bəyanat yayımlayıb.
Qafqaztimesin xarici medialara istinadən verdiyi məlumata əsasən, Həmasın bugünkü (31 mart) bəyanatında Fələstin xalqının bu Fitr bayramında şücaət və möhkəm iradəsi qeyd olunaraq deyilir: Allahdan bu xalqın fədakarlıq, cihad və ibadətlərinin qəbul olunmasını diləyirik. Bu il Fitr bayramı Qəzza zolağı, İordan çayının qərb sahili və Qüdsdə Fələstin xalqının vəhşi sionist təcavüzləri, mühasirə, aclıq, qətl və dağıntıları ilə üz-üzə qaldığı bir vaxtda gəlib çatıb. Təəssüflər olsun ki, bütün bu hadisələr Amerikanın İsrail rejiminin dəstəkləri sayəsində baş verir.
Bəyanatda həmçinin deyilir: Qəzza zolağında yenilməz bir iradə ilə mühasirə və təcavüzlə üzləşən Fələstin xalqının mətanətini təqdir edir, İordan çayının qərb sahili, Qüds və işğal olunmuş ərazilərdə öz milli mövqeləri və torpaqlarını müdafiə edən bu xalqın mətanətini alqışlayırıq.
