Bakıda iki yaşlı uşağın altıncı mərtəbədən yıxılaraq ölməsinin bəzi detalları məlum olub.
Qonşuların sözlərinə görə, azyaşlı pəncərənin qoruyucu toruna toxunub və torun çıxması nəticəsində aşağı – skamyanın üzərinə düşüb.
Dərhal atası körpəyə süni nəfəs versə də, heç bir faydası olmayıb.
Qeyd edək ki, hadisə bu gün səhər saatlarında Səbail rayonu, Akademik Əhəd Yaqubov küçəsində qeydə alınıb.
2022-ci il təvəllüdlü Hamza İmanov yaşadıqları evin altıncı mərtəbəsindən yıxılıb. Körpə aldığı xəsarətdən hadisə yerində ölüb.
Faktla bağlı araşdırma aparılır.