QafqazTimes.com Forbes-ə istinadən xəbər verir: ABŞ-da dörd baş prokuror Google-ni istifadəçiləri (geolokasiya) gizli izləməkdə ittiham edib. O mənada gizli ki, istifadəçilər bundan xəbərsizdir. Bu barədə CNBC yazır. İttihamda deyilir ki, Google ən azı 2014-2019-cu illlərdə istifadəçiləri aldadıb. İstifadəçilərə deyilib ki, “məkan tarixi” söndürüləndə geolokasiya izləməsi dayanır. Əslində, Google bu funksiya söndürələndən sonra da izləmə aparıb. The Wall Street Journal yazır ki, istifadəçinin özü barədə məlumatları Google-nin ixtiyarına verməkdən başqa çarəsi yoxdur. Bu razılıq olmasa Google-nin xidmətlərindən faydalanmaq mümkünsüzdür.
Əsas sual budur ki, Google kimə işləyir? Topladığı məlumatlar kimin üçündür? İlk baxışdan belə görünə bilər ki, Google bütün bunları Pentaqonun, MKİ-nin, ABŞ hökumətinin əmri ilə edir. Beləsə, nə üçün ABŞ prokurorları etiraz edir? Əvvəllər də belə fikir olub ki, Google daha çox İsrail kəşfiyyatına, Mossada işləyir. Amerikada mühüm fiqurların izlənməsi bu fərziyyəni gücləndirir.