Girov anaları Netanyahuya: ABŞ-a getmədən öncə Həmasla razılaş!

Sionist girov ailələri baş nazirdən Amerikaya səfərindən öncə Həmasla mübadilə mövzusunda razılığa gəlməsini tələb edirlər.

İRNA-nın məlumatına əsasən, Rəyəl Yəvm qəzeti bugünkü (17 iyul) sayında yazıb: Tel Əvivdə keçirilən bir mətbuat konfransında girov anaları Netanyahudan Amerikaya getmədən öncə mübadilə razılaşmasını imzalamasını istəyərək deyiblər ki, bizim övladlarımız üçün bir gün də qənimətdir.

Məlumata görə girov ailələri Netanyahunun Vaşinqton səfərindən öncə Həmasla razılaşmanın girovlar üçün taleyüklü bir mövzu olduğunu da vurğulayıblar.

Xatırladaq ki, 7 oktyabr Əl Əqsa Tufanı əməliyyatından sonra Həmas 251 sionist girov saxlayıb və onların 116-sı hələ də Həmasın əlindədir. Bu girovlardan 42 nəfəri həlak olub.