İstanbulda polis gecə klubu kimi istifadə edilən şadlıq sarayına gecə saatlarında basqın təşkil edib.
Basqın zamanı polislər əyləncə mərkəzində ciddi müqavimətlə üzləşib. Polislər əyləncə mərkəzindəki insanların hücumuna məruz qalıb. Bildirilir ki, hadisə zamanı barda çox sayda qadın da olub. Qarşıdurma zamanı 14 polis xəsarət alıb. Müqavimətdən sonra polislər dəstək çağırmaq məcburiyyətində qalıb. Dəstək qüvvələrin gəlişindən sonra əyləncə mərkəzi nəzarətə alınıb. 26 şübhəli saxlanılıb.