Türkiyə II Liqasında yarışan “Balıkesirspor” azarkeşləri komandanın çempionat matçında səfərdə “Uşakspor”a məğlubiyyətini (0:2) həzm edə bilməyiblər.
Narazı fanatlar geri qayıdarkən Akhisardakı restoranların birində yemək yeyən komandaya hücum ediblər. Öncə azarkeşlər futbolçu və məşqçi heyəti, klub rəsmiləri ilə mübahisə ediblər. Daha sonra dava düşüb. Komandadan heç kimin xəsarət almadığı bildirilir. Ancaq restorana ciddi zərər dəyib.
Klub yaydığı açıqlamada bu hücumu qətiyyətlə qınayıb.