Həmasın hərbi qolu olan Əl Qəssam Briqadalarının sözçüsü müqavimət dəstələrinin məqsədlərinə yetişənə və tam qələbə qazanana qədər döyüşəcəklərinə and içdiklərini deyib.
Qafqaztimesin xarici medialara istinadən verdiyi məlumata əsasən, Qəssam Briqadalarının sözçüsü Əbu Übeydə Telegram kanalında verdiyi mesajda deyib: Döyüşçülərimiz hələ də qəhrəmancasına döyüşür və düşmən qüvvələrini nə vaxt, harada və necə istəyirlərsə, əminliklə öldürmək üçün dəqiq pusqular qururlar. İgidlərimizin Beyt Hanundan Rəfaha qədər döyüş meydanında göstərdikləri qəhrəmanlıq İslam ümmətinin bütün gəncləri və qüvvələri üçün qürur mənbəyi, hərbi möcüzə və dəlildir.
Əbu Übeydə əlavə edib: Döyüşçülərimiz tunellərdə və müdafiə pusqularında döyüşməyə hazırdır və qələbə və ya şəhadətə qədər müqavimət göstərmək üçün bir-birlərinə söz veriblər.