İstanbulun Yenikapı sahillərində delfinin kiçik balıqlarla ov oyunu havadan çəkilmiş görüntülərdə əks olunub.
Sahildən təxminən 1,5 kilometr aralıda qeydə alınan görüntülərdə delfinin ağzı ilə kiçik balığı tutmağa çalışdığı görünür. Kiçik balığı tutan şirin delfin daha sonra buraxdığı balaca balığı yenidən tutmağa çalışır. Bir neçə dəqiqə davam edən əyləncəli oyunun sonunda balaca balıq qaçır.
Qeyd edək ki, ov oyunu sosial şəbəkələrdə böyük marağa səbəb olub.