Rusiyanın yüksək rütbəli nümayəndə heyəti Dəməşqdə əl-Colani ilə görüşüb.
Rusiya xarici işlər nazirinin müavini Mixail Boqdanov və Putinin Suriya üzrə xüsusi nümayəndəsi Aleksandr Lavrentyev dünən Dəməşqdə Əbu Məhəmməd əl-Colani ilə görüşüblər.
Suriya mətbuatı Rusiya nümayəndə heyətinin Suriyada müsbət irəliləyişlərə dəstək verdiyini vurğuladığını yazıb.
Suriyalılar Rusiya nümayəndə heyətindən təzminat və Suriya ərazilərinin yenidən qurulması kimi əməli tədbirlər görməyi istəyiblər.
Rusların Əbu Məhəmməd Əl-Culani ilə görüşü üç saat davam edib.
Bu görüşdən sonra Reuters saytı suriyalı mənbəyə istinadən iddia edib ki, Colani Moskvadan Bəşər Əsədi təhvil verməsini istəyib.
Kremlin sözçüsü Rusiyadan Əsədin geri qaytarılması və təzminat ödənilməsi tələb olunub-olunmaması ilə bağlı suala cavab verməkdən imtina edib.
Qafqaztimes