Çin Xarici İşlər Nazirliyi Donald Tramp administrasiyasının qlobal müqavimətlə üzləşən Qəzza zolağından fələstinliləri köçürmək planına reaksiya olaraq bu ərazinin fələstinlilərə məxsus olduğunu və siyasi alver vasitəsi olmadığını vurğulayıb.
Qafqaztimesin xarici medialara istinadən verdiyi məlumata əsasən, Çin XİN sözçüsü Quo Jiakun bu gün (6 fevral) Trampın ABŞ-ın “Qəzzəyə nəzarət və ona sahib çıxmaq” planına reaksiya olaraq deyib: Qəzza fələstinlilərə məxsusdur və Fələstin ərazisinin ayrılmaz hissəsidir və siyasi sövdələşmələr aləti deyil.
Quo Jiakun əlavə edib: Pekin Fələstin xalqının qanuni hüquqlarını qətiyyətlə dəstəkləyir və həmişə fələstinlilərin Fələstini idarə etməli olduğuna inanıb.