“Apple” şirkəti qarışıq reallıq eynəklərini təqdim edib. “Vision Pro” adlanan qadcet öz imkanları ilə bir çoxlarının marağına səbəb olub.
Belə ki, “Vision Pro” virtual iş sahəsini real həyata inteqrasiya edəcək. İnsan eyni vaxtda real dünyada baş verən hər şeyi görə və virtual məkanda müxtəlif (özünü konfiqurasiya edən) iş sahələrində işləyə biləcək. Məsələn, məqalələri oxumaq, mesajlara cavab vermək, filmlərə baxmaq, video zənglər vasitəsilə oynamaq və danışmaq mümkün olacaq.
“Apple Vision Pro”nun bütün interfeysi 3D-də göstərilir, iş sahəsinin təfərrüatı istədiyiniz kimi böyüdülə və kiçildilə bilər.
Tərtibatçılar, həmçinin “reallığı tamamilə silmək” imkanı qoyublar – bu rejimdə eynəklər adi VR cihazı kimi işləyəcək.
“Apple Vision Pro”nun satışları 2024-cü ilin əvvəlinə planlaşdırılıb. Qarniturun qiyməti 3499 dollar təşkil edəcək.