Uzun illər İsrail rejiminin cinayətlərini müdafiə edən məşhur britaniyalı aparıcı bir müddət əvvəl Qəzzada işğalçı rejimin soyqırımçı olduğunu etiraf edib.
Qafqaztimesin xarici medialara istinadən verdiyi məlumata əsasən, daim Qəzza zolağına qarşı müharibədə İsrail rejiminin təcavüzlərini müdafiə edən, Benyamin Netanyahunun Qəzzadakı cinayətlərini ört-basdır etməyə çalışan Piers Morqan bu gün (24 may) dilə gələrək deyib: 75 illik münaqişə zamanı siz və mən dəfələrlə bu müharibə haqqında danışsaq da, mən İsraili tənqid etməkdə heç vaxt sizin qədər irəli getməmişəm. Amma artıq İsraili tənqid etmək istəyimə qarşı dura bilmirəm. Qəzzada fələstinli uşaqların və dinc əhalinin öldürülməsi soyqırımdır. Qəzza blokadadır və sistematik aclıqdan əziyyət çəkir. İsrailin bombardmanları dayanmır və hər gün yüzlərlə insan həlak olur.