Avropa İttifaqı xarici əlaqələr və təhlükəsizlik siyasəti üzrə ali nümayəndəsi dünya ictimaiyyətindən UNRWA-ya yardım edilməsini istəyərək Qəzzə böhranında bu qurumun həddən artıq əhəmiyyət kəsb etdiyini vurğulayıb.
İRNA-nın məlumatına əsasən, Cozep Borrell bu gün (1 fevral) bəzi ölkə və təşkilatların UNRWA-ya dəstəklərinin dayandırılmasına işarə edərək bunun fələstinliləri cəzalandırmaq kimi dəyərləndirib. Onun sözlərinə görə fələstinlilərə yardım üçün UNRWA-nın alternativi yoxdur.
Borrell deyib: UNRWA ilə əlaqədar aparılan araşdırmalar onun fəaliyyətinə mənfi təsir göstərməməlidir. Çünki yüz minlərlə insan UNRWA tərəfindən dəstəklənir və siz maliyyə yardımlarını kəsə bilməzsiniz.