BMT sionist rejimin nüvə silahlarına qarşı qətnamə qəbul edib

QafqazTimes xəbər verir ki, bazar günü Birləşmiş Millətlər Təşkilatının Baş Assambleyasının Birinci Komitəsi sionist rejimin nüvə proqramlarına qarşı qətnamə qəbul edib.

“Jerusalem Post” qəzetinin məlumatına görə, bu qətnamədə sionistlərdən nüvə silahlarının sayını açıqlamaları, Nüvə Silahlarının Yayılmaması Müqaviləsinə (NPT) qoşulmaları və nüvə obyektlərini Beynəlxalq Atom Enerjisi Agentliyinin nəzarəti altına vermələri istənilib.

İran İslam Respublikası da daxil olmaqla 152 ölkə bu qətnamənin lehinə, 5 üzv, o cümlədən ABŞ, Kanada, Palau, Mikroneziya və sionist rejimin özü isə əleyhinə səs verib.

Nüvə silahına malik olmasına baxmayaraq, Təl-Əviv nüvə başlıqlarının sayını qəbul etməkdən və açıqlamaqdan boyun qaçırır. BMT-nin qətnaməsinə əsasən, sionist rejim bu qurumun Qərbi Asiyada yeganə üzvüdür ki, Nüvə Silahlarının Yayılmaması Müqaviləsinin üzvü deyil.

Bu qətnamədə “İsrailin NPT-yə üzv olmasının və nüvə obyektlərinin Beynəlxalq Atom Enerjisi Agentliyinin nəzarətinə verilməsinin vacibliyi” vurğulanıb.

Bu qətnamədə sionist rejimdən tələb olunur ki, dərhal bu müqavilənin üzvü olsun və nüvə silahı istehsal etməkdən, sınaqdan keçirməkdən və ya əldə etməkdən çəkinsin, sülh və sabitlik sahəsində etimadın möhkəmləndirilməsi çərçivəsində nəzarətdə olmayan bütün obyektləri agentliyin nəzarəti altına versin.

Həmçinin cümə günü bu komitə 170 səslə Qərbi Asiyada nüvə silahından azad zonanın yaradılmasına çağırış etdi ki, sionist rejimi bu tələbin yeganə müxalifi oldu.