Blinken: Biz amerikalılardan Rusiyanı dərhal tərk etmələrini istəyirik

QafqazTimes xəbər verir ki, ABŞ dövlət katibi Entoni Blinken cümə axşamı “Wall Street Journal”-ın müxbirinin həbsinə reaksiya olaraq deyib ki, biz amerikalıları Rusiyada üzləşdikləri təhlükələr barədə bir daha xəbərdar edirik və onları Rusiyanı dərhal tərk etməyi tövsiyə edirik.

ABŞ dövlət katibi əlavə edib: “Biz Kremlin jurnalistləri sıxışdırmaq və mühakimə etməklə vətəndaş cəmiyyətinin səsini boğmağa yönəlmiş davamlı səylərini pisləyirik.”

O, həmçinin deyib: “Biz çalışacağıq ki, Rusiyada saxlanılan amerikalı bütün lazımi dəstəyi almaq üçün konsulluq xidmətlərindən istifadə edə bilsin.”

Rusiya prezidentinin mətbuat katibi Dmitri Peskov bu gün (cümə axşamı) amerikalı jurnalistin bu ölkədə həbs olunduğunu təsdiqləyib.

Kremldə keçirdiyi mətbuat konfransında Peskov “Wall Street Journal”ın müxbirinin Rusiyada həbsinin bir şayiə olmadığını, onun həqiqətən həbs edildiyini və bunun təhlükəsizlik orqanlarının vəzifəsinə aid olduğunu izah edib.

O, “Wall Street Journal” qəzetinin müxbirinin Rusiyada həbsinə ABŞ-ın reaksiya vermə ehtimalı ilə bağlı suala cavab olaraq “Biz ümid edirik ki, bu baş verməyəcək” deyib.

Bu Amerika mətbuatının müxbiri İvan Qerşkoviçin cinayət törətərkən həbs edildiyini qeyd edən Kreml sözçüsü onun ittihamları ilə bağlı izahat və ətraflı məlumat verməkdən imtina edib.