Belçikanın Antverpen və Mexelen şəhərləri arasında 40-dan çox ev qasırğa nəticəsində zədələnib, onlardan ikisi yaşayış üçün yararsız elan edilib.
İlkin məlumatlara görə, xəsarət alan yoxdur.
Yerli polisin məlumatına görə, qasırğa 4 km ərazidə evlərin damlarını qoparıb, həmçinin Antverpen şəhərinin Onze-Live-Frou-Vaver bölgəsində böyük qış bağını dağıdıb. Tornado həmçinin bir neçə tövləni dağıdıb və yerli qəbiristanlığa ziyan vurub.
Qeyd edək ki, yanvarın əvvəlində tornado Sint-Kateliyne-Vaver və Putte bələdiyyələrindən keçib. Belçikanın əksər hissəsində bu günlərdə pis hava hökm sürüb: leysan yağışlar yağıb və güclü külək əsib. Təcili yardım xidmətləri artıq əksər yerlərdə binaların təhlükəsizliyini təmin edib və sakinlər evlərinə qayıdıb.