Belçikanın paytaxtı Brüsseldə və Brabant əyalətində 27 məktəb terror aktı təhlükəsi səbəbindən bağlanıb.
Bu barədə Vallon və Brüssel Təhsil İdarəsindən məlumat verilib.
Bir neçə təhsil müəssisəsinə bombalanma ilə bağlı hədələr daxil olub. Ehtiyat tədbiri olaraq bu məktəblərdə dərslərin birgünlük dayandırılması qərara alınıb.
Səlahiyyətlilər əmin ediblər ki, bəzi binalar artıq istehkamçılar tərəfindən yoxlanılıb.