Türkiyə istehsalı Bayraktar TB2 PUA-larının qiyməti məlum olub.
PUA-nın qiyməti 5 milyon avro civarındadır.
Belə ki, ötən gün Litva hökuməti Bayraktar TB2 almaq üçün Türkiyə ilə müqavilə imzaladıqlarını açıqlayıb. PUA-nın alınması üçün ödəniləcək məbləğin kampaniya ilə toplandığı bildirilib. Kampaniyanın təşkilatçıları 5 milyon avroya ehtiyac olduğunu açıqlamışdı.
Türkiyə mənbələri yazır ki, bu standart qiymət deyil, əlavə təchizatlarla məbləğ arta da bilər. PUA-nın qiyməti müqavilənin şərtlərinə görə də dəyişə bilər.