Bakıda aeroport yolunda zəncirvari qəza olub.
Bu barədə Daxili İşlər Nazirliyinin Nəqliyyatı İntellektual İdarəetmə Mərkəzi məlumat yayıb.
Bildirilib ki, hadisə bu gün səhər saatlarında aeroport şosesində qeydə alınıb.
Belə ki, “Mercedes” markalı avtomobil sürücüsü ani diqqətsizlik edib və bu zaman maşın eyni istiqamətdə hərəkətdə olan VAZ-2106-ya çırpılıb. Zərbənin təsirindən VAZ eyni istiqamətdə hərəkətdə olan yük avtomobilinin qarşısına çıxıb. Bu zaman yük avtomobili də VAZ-2106-ya çırpılıb.
Faktla bağlı araşdırma aparılır.