Azərbaycan Respublikasının Ukraynadakı sabiq səfiri Tələt Əliyev hazırda Almaniyadadır.
Bu barədə Ukraynadakı mənbə məlumat verib.
Məlumata görə, 80 yaşlı sabiq səfir müharibə başlayandan bir neçə gün sonra Kiyevi tərk edib.
Xatırladaq ki, Tələt Əliyev Azərbaycan Respublikası Cinayət Məcəlləsinin 179.3.2-ci ( mənimsəmə, külli miqdarda törədildikdə) maddəsi ilə təqsirləndirilir.
Hazırda onun tutularaq istintaqa cəlb edilməsi istiqamətində zəruri axtarış-əməliyyat tədbirləri davam etdirilir.
Tələt Əliyev Azərbaycanın tanınmış diplomatıdır. O, 2001-2010-cu illərdə Azərbaycanın Ukraynadakı səfiri postunu tutub.
Tələt Əliyev səfir təyin olunana qədər Ukrayna Azərbaycanlıları Konqresinin sədri olub. Yaxın vaxtlaradək bu ölkədə Azərbaycanlı Ağsaqqallar Birliyinə rəhbərlik edirdi.