İsmayıllının yüksək dağlıq ərazisində yerləşən kəndlərinə, eləcə də Lahıca gedən yolda güclü qar uçqunu baş verib. Ərazidə yolların qardan təmizlənməsi üçün texnika çalışır.
Qar uçqunu səbəbindən avtomobillərin hərəkəti tamamilə iflic olub. Hazırda sözügedən ərazidə bir metrə yaxın qar var. Kəndlərdə qar örtüyü avtomobillərlə yanaşı, sakinlərin də hərəkətinə ciddi mane yaradıb.