Oktyabrın 24-də Cəlilabad rayonunda qətl törədilib.
Yenicə həbsdən azadlığa çıxmış 1977-ci il təvəllüdlü Mirzəqani Əhmədov küçədə naməlum şəxs tərəfindən bıçaqlanaraq öldürülüb.
Bildirilib ki, M.Əhmədov aptekdən dərman alıb çıxarkən yol kənarında gözləyən gəncin hücumuna məruz qalıb. Ürək nahiyəsindən 2 ağır xəsarət alan 45 yaşlı şəxs xəstəxanada ölüb.
İlkin məlumata görə, hadisə qisas zəminində törədilib. Belə ki, M.Əhmədov vaxtilə rayon sakinlərindən birini döyərək onun sağlamlığına ciddi zərbələr vurub. 6 il həbs cəzası alan M.Əhmədov həbsdən çıxandan sonra naməlum şəxs onu öldürmək qərarına gəlib və izləyərək hücum edib.
Faktla bağlı cinayət işi açılıb, araşdırma aparılır.