İslam İnqilabının Rəhbəri Ayətullah Xamenei bu gün səhər yüzlərlə elmi elita, olimpiada və universitetə qəbul imtahanı qalibləri ilə görüşündə müxtəlif sektorlarda elitadan maksimum yararlanmağın vacibliyini vurğulayaraq elitaların ölkə işlərindəki təsirindən bəhs edərək dedi: Bu gün elitanın ən mühüm vəzifəsi və cihadı yeni bir elmi hərəkat yaratmaqdır.
İslam İnqilabının Rəhbəri həmçinin tezliklə Qəzzə və Livan məsələlərini İran xalqı ilə müzakirə edəcəyini vurğulayaraq əlavə edib: Regionun problemlərinin kökü ABŞ və bəzi Avropa ölkələri kimi yalandan sülh və əmin-amanlıq iddiasında olanlardır və buna əsasən regionda qarşıdurmalara və müharibələrə son qoymağın yeganə yolu bu ölkələrin şərrini azaltmaqdır.
İnqilabın rəhbəri bu görüşün əvvəlində böyük mücahid Seyid Həsən Nəsrullahın şəhadətinə işarə edərək dedi: Biz bu günlərdə matəm saxlayırıq və mən matəmdəyəm.
Çünki cənab Seyid Həsən Nəsrullahın itkisi kiçik itki deyildi. Lakin ölkədə yas olmasına baxmayaraq, biz elita ilə əvvəlcədən planlaşdırılan görüşü başqa vaxta keçirmədik.
Həzrət Ayətullah Xamenei elita məsələsinin vacibliyinə diqqət yetirməyin zəruriliyini vurğalayıb və əlavə edib: Bu görüşün keçirilməsinin mesajı budur ki, biz matəm tutsaq da, bizim matəm depressiya və guşəneşinlik demək deyil. Bizim əzadarlığımız Həzrət Seyid əş-Şühədanın (ə.s) əzadarlığı qəbilindəndir ki, o, həyat verici, iş və tərəqqi üçün ruhlandırıcı və həvəsləndiricidir.
Qafqaztimes/Al-alam