Ayətullah Xamenei: Ən böyük məğlubiyyət Qərb mədəniyyətinə aid oldu

İslam İnqilabının Ali Məqamlı Rəhbəri bugünkü söhbətində dedi: Sionist rejim iflasa uğrayıb.
Amma ən böyük məğlubiyyət Qərb mədəniyyəti və siyasətçilərinindir.

Ayətullah Xamenei regionun aktual problemlərini və Qəzzə, Livan və İordan çayının qərb sahilindəki hadisələri tarixi adlandırıb və deyib:
Şəhid Sinvar kimi son ana qədər döyüşənlər və ya Şəhid Seyid Həsən Nəsrullah kimi cihadı, hikməti, şücaəti və fədakarlığı birləşdirən böyük şəxsiyyətlər olmasaydı, bölgənin taleyi başqa cür olardı.

İnqilab Rəhbəri regionda baş verən hadisələrin hazırkı nəticəsini təkcə sionist rejim deyil, həm də Qərb mədəniyyəti üçün böyük uğursuzluq hesab edib və deyib: Sionistlər müqavimət qruplarını asanlıqla məhv edə biləcəklərini düşünürdülər. Lakin bu gün 50.000-dən çox müdafiəsiz və mülki insanın və müqavimətin bir neçə tanınmış liderinin şəhid olmasına, eləcə də ABŞ-ın böyük xərclərinə və dəstəyinə baxmayaraq uğursuzluğa düçar olublar. Dünyada onlara qarşı elə bir nifrət yarandı ki, hətta Amerika universitetlərində də bu cinayətkarlara qarşı yürüş oldu.
Həmas, İslami Cihad, Hizbullah və digər müqavimət qruplarında gənc döyüşçülər eyni əzm və güclə vuruşurlar. Bu, sionist rejim üçün böyük bir məğlubiyyətdir.

O, ən böyük məğlubiyyətin Qərb mədəniyyətinə aid olduğunu deyib:
10.000 günahsız uşağın iki tonluq bomba və hər cür silahla qətlə yetirilməsi qaşısında Qərb siyasətçilərinin tamaşaçı olması yalançı Qərb siyasətçilərinin və insan haqları iddiaçılarının və Qərb mədəniyyətinin nüfuzunu bütün dünyada öldürdü.
Bu, onlar üçün ən böyük məğlubiyyət idi.

Ayətullah Xamenei sionist rejimi dəstəkləyən cəbhəni şər cəbhəsi adlandırıb və əlavə edib:
Bu şər cəbhəsinin qarşısında müqavimət cəbhəsi dayanır və Allahın köməyi ilə qələbə müqavimət cəbhəsinə məxsusdur.

Qafqaztimes

Al-alam