Həmas bəyanat yayaraq amerikalı Aidan Aleksandrın azad olunmasını iddia olunan hərbi təzyiq deyil, məhz elə ciddi müzakirələrin nəticəsi olduğunu elan edib.
Qafqaztimesin xarici medialara istinadən verdiyi məlumata əsasən, Həmasın bugünkü (13 may) bəyanatında deyilir: Aidan Aleksandrın qaytarılması sionist təcavüzü və ya hərbi təzyiq illüziyası deyil, Amerika ilə ciddi danışıqların və vasitəçilərin səyinin nəticəsidir. Netanyahu öz xalqını aldadır. Çünki işğalçı rejim təcavüz yolu ilə məhbuslarını azad edə bilmədi. Aidan Aleksandrın qaytarılması ciddi danışıqlar və məhbus mübadiləsi sazişi israilli məhbusları qaytarmaq və müharibəni dayandırmaq üçün yeganə yol olduğunu sübut etdi.