Bloomberg-in məlumatına görə, ABŞ-ın yüksək vəzifəli şəxsləri İrana qarşı mümkün hərbi əməliyyatlar üçün hazırlıqlar aparır – hətta bu həftəsonuna qədər belə bir ssenari mümkündür.
Hələlik qərar rəsmən qəbul edilməsə də, bir neçə federal qurumun səssiz şəkildə “müharibə rejiminə” keçid hazırlığı gördüyü bildirilir.
“Bütün variantlar masadadır,” – Ağ Evin bir nümayəndəsi belə deyib.
Prezident Donald Tramp isə jurnalistlərə “bəzi ideyaları” olduğunu və “qərarı son saniyədə verəcəyini” söyləyib – olduqca müəmma dolu açıqlama.
Bu vəziyyət Trampın bir həftə əvvəl diplomatiya və İranla nüvəsizləşdirmə sazişi barədə danışdığı çıxışlarından tam fərqli mövqedir.
Hesabatda qeyd olunur ki, müttəfiqlərdən gələn təzyiqlər və müharibə tərəfdarı senator Lindsey Graham-ın israrlı zəngləri Trampın mövqeyini dəyişmiş ola bilər.
Müharibə barabanlarının səsi daha da ucadan gəlir…