ABŞ-ın Suriya üzrə xüsusi nümayəndəsi Tomas Barakın son açıqlamalarında Vaşinqtonun Suriyadakı bütün hərbi bazalarını — bir baza istisna olmaqla — bağlamaq niyyətində olduğunu bildirməsindən sonra, ölkədəki Amerika hərbi varlığının gələcəyi ilə bağlı ehtimallar daha da güclənib.
Hələlik ABŞ-ın saxlayacağı yeganə bazanın Suriyanın hansı ərazisində yerləşəcəyi dəqiq bilinmir.
Bəzi təhlükəsizlik mənbələri Vaşinqtonun öz bazasını ABŞ-ın dəstəklədiyi kürd silahlı qruplarının – “Suriya Demokratik Qüvvələri”nin (SDQ) nəzarətində olan Həsəkə vilayətində saxlamaq istədiyini düşünür.
Lakin bəzi suriyalı mənbələr daha çox ehtimal olunan variant kimi, Suriya, İraq və İordaniya sərhədlərinin qovuşduğu bölgədə yerləşən Ət-Tənf bazasının qorunub saxlanılacağını qeyd edirlər.