Amerikalı media orqanlarının məlumatına görə, dünən bu ölkədə 15 sərnişinli kiçik bir təyyarə qəzaya uğrayıb.
Qafqaz Times -ın məlumatına görə, ABŞ mediası yerli vaxtla çərşənbə gecəsi Nyu Cersi ştatında 15 sərnişini olan birmotorlu təyyarənin qəzaya uğradığını xəbər verib.
CBS-in məlumatına görə, Nyu Cersi xəstəxanasının sözçüsü bildirib ki, paraşütlə tullanış üçün bu təyyarədə olan 15 nəfərin hamısı “Kross Kiz” hava limanında, Vilyamstaun şəhərində qəza sonrası yaralandıqları üçün müalicə olunurlar.
“Qloster” dairəsinin fövqəladə hallar idarəsinin əməkdaşı deyib: saat 17:30-dan bir qədər əvvəl əməkdaşlar qəzaya uğramış təyyarə üçün hadisə yerinə göndərilib. Onun sözlərinə görə, təcili yardım işçiləri hadisə yerinə çatdıqdan sonra kütləvi zərərçəkənlər hadisəsi elan olunub.
O əlavə edib ki, təyyarədəki sərnişinlər paraşütlə tullanmaq üçün nəzərdə tutulmuşdu, lakin təyyarə qalxdıqdan sonra pilot mühərrikdə problem olduğunu bildirib.