9 min il əvvəl yaşamış insanın üzünü görmək artıq mümkündür – FOTO/VİDEO

Akropol Muzeyi Yunanıstanın Mezolit dövründə yaşamış qızın üzünün rekonstruksiyasını təqdim edir.

Beynəlxalq mütəxəssislər komandasının işi sayəsində hər bir ziyarətçi onun üzünü görə bilər.

1993-cü ildə Yunanıstanın ən mühüm qədim yerlərindən biri olan Teopetra mağarasında tapılan qıza “Augi” adı verilib ki, bu da yunan dilində “sübh” mənasını verir və o, Yunanıstanda sivilizasiyanın “sübh” çağını simvolizə edir. Theopetra mağarası 130 min il əvvəl məskunlaşan yer üzündəki ən qədim tikilinin yeri hesab olunur.

“Augi”nin üzünün bərpası Afina Universitetinin dosenti, ortodont Manolis Papaqriqorakisin və beynəlxalq məhkəmə antropoloqlar qrupunun işidir. Komandada həmçinin radioloqlar, endokrinoloqlar, ortopedlər və nevroloqlar da olublar.

Sümük analizi “Augi”nin təxminən on beş yaşında olduğunu göstərib, baxmayaraq ki, diş testləri onun on səkkiz yaşında ola biləcəyini göstərmişdi.

Təəccüblüdür ki, onun qalıqlarında anemiya əlamətləri və mümkün vitamin çatışmazlığı aşkar edilib ki, bu da onun qədim dövrdə sağlamlıq vəziyyəti haqqında nəticə çıxarmağa imkan verir.