İlahi Fəcr ongünlüyü günləri və əzəmətli İslam İnqilabının qələbəsinin 44-cü ildönümü günü ərəfəsində Həzrət Ayətullahuluzma Xameneinin bu gün səhər saatlarında təhlükəsizlik müdafiəçisi Arman Əliverdinin məzarını ziyarət etməsi sosial mediada yüksək qarşılanıb.
Fars İnformasiya Agentliyinin məlumatına əsasən, Həzrət Ayətullahuluzma Xamenei bu gün “şəhidlər gülüstanı”nda bir çox şəhidlərin qəbrini ziyarət edib. Amma şəhid Əliverdinin məzarı başındakı fotoşəkil daha çox istifadəçilərin marağına səbəb olub. Belə ki, bu fotoşəkil haqda “bəziləri öldükdən sonra unudulur, bəziləri isə əziz olur”, “Həbib rəhbərin qərib Armanla görüşü” və “Əziz Arman və Armanın əzizi” kimi şərhlər yazılıb.
Xatırladaq ki, sabah 12 bəhmən – fevralın 1-i İran İslam İnqilabının mübarək Fəcr ongünlüyünün bağşlanğıc günüdür.