Həmas bəyanat yayaraq Qəzzədə İsrail rejiminin aclıqdan silah kimi istifadə etməsi, su stansiyaları və qida paylama mərkəzlərini qəsdən hədəfə almalarının beynəlxalq hüquq və humanitar normaların ən kobud pozuntularından biri hesab olunduğunu bəyan edib.
Qafqaztimesin xarici medialara istinadən verdiyi məlumata əsasən, Həmasın bu gün (26 aprel) yayımladığı bəyanatda deyilir: Qəzzə zolağı qıtlıq problemi yaşayır və Netanyahunun cinayətkar hakimiyyəti aclıqdan bir silah kimi istifadə edir. Ümumdünya Ərzaq Proqramının Qəzza zolağında bütün ərzaq ehtiyatlarının tükəndiyi barədə açıqlaması işğalçı rejimin bu siyasəti nəticəsində yaranmış humanitar fəlakətin təhlükəli səviyyəsi kimi dəyərləndirməsi fələstinlilərin aclıqdan əziyyət çəkdiyini bir daha sübut edir.
Bəyanatda həmçinin qeyd edilir: İşğalçı rejim Qəzzə zolağını tamamilə blokadaya alıb və zolağa su, dərman preparatları, ərzaq məhsullarının daxil olmasına icazə vermir. Belə ki, 2 milyon 250 min fələstinlinin həyatı bombardman, soyqırımı və müharibədən qaynaqlanan fəlakətlə təhlükə altındadır.