Əl-Qəssam briqadalarının sözçüsü bəyan edib ki, Netanyahunun ən axmaq qərarı işğalçı rejimin əsgərlərini Qəzza zolağında saxlamaq idi və gələcəkdə daha çox əsir müqavimətin əlinə keçəcək.
Qafqaz Times -ın məlumata görə, HƏMAS hərəkatının hərbi qolu olan Əl-Qəssam briqadalarının sözçüsü Əbu Ubeydə bildirib ki, Qəzzə zolağının şimalındakı “Beyt Hənun” birləşmiş əməliyyatı, mücahidlərimizin zəif işğalçı ordunun imicinə vurduğu daha bir zərbədir.
Əbu Ubeydə bildirib: mürəkkəb Beyt Hənun əməliyyatı işğalçı rejimin təhlükəsiz hesab etdiyi sahədə zəif ordu və onun daha cinayətkar bölmələrinin nüfuzuna zərbə vurdu.
Əl-Qəssam sözçüsü əlavə edib ki, şimaldan cənuba qədər Qəzzə zolağında davam edən və müqavimət döyüşçülərinin iştirak etdiyi tükəndirici döyüş, hər gün düşmənə daha çox itki verəcək.
Əbu Ubeydə qeyd edib ki, əgər düşmən son zamanlar öz əsgərlərini möcüzəvi şəkildə “cəhnnəmdən xilas etməyə” müvəffəq olubsa, bu, gələcəkdə uğursuzluqla nəticələnə və müqavimətin əlinə daha çox əsir keçə bilər.
Əl-Qəssam briqadalarının sözçüsü əlavə edib: xalqımızın dözümü və müqavimət döyüşçülərinin şücaəti, yeni mərhələnin konturlarını müəyyənləşdirən yeganə qüvvədir.
O əlavə edib ki, Netanyahunun verə biləcəyi ən axmaq qərar, əsgərlərini Qəzza zolağında saxlamaq idi.
İvritdilli media Beyt Hənun əməliyyatı ilə bağlı xəbər verib ki, əməliyyat o qədər geniş və gözlənilməz idi ki, İsrail ordusu heç bir əsgərin fələstinli döyüşçülər tərəfindən diri ələ keçməməsi üçün “Hannibal prosedurunu” işə salıb.
Bəzi ivrit mediası xəbər verib ki, bu birləşmiş əməliyyatın ilk partlayışı o qədər güclü olub ki, səsi Aşkelon şəhərində də eşidilib.
İvrit mediasının yazdığına görə, ilk hadisə Beyt Hənunda baş verib – çoxlu sayda israilli əsgərin olduğu zirehli nəqliyyat vasitəsində güclü bomba partladılıb. Eyni bölgədə baş verən ikinci əməliyyat isə sursat daşıyan bir maşına qarşı olub və tank əleyhinə mərmi ilə vurularaq partladılıb.
İşğalçı rejimin ordusu bu gün, itkilərə dair ciddi senzura şəraitində, Qəzzənin şimalındakı Beyt Hənun döyüşlərində 5 əsgərinin həlak olduğunu və 14 əsgərinin yaralandığını açıqlayıb.
